Учесниците биле поделени во три групи со различен начин на исхрана, а најдобри резултати покажала групата која следела т.н. „зелено-медитеранска“ диета, богата со полифеноли, јаткасти плодови и со три до четири шолји зелен чај дневно.
Научниците забележале позитивни промени во биомаркерите поврзани со здравјето на мозокот. Посебно значајно било намалувањето на протеинот галектин-9, кој вообичаено се врзува со „постар“ мозочен профил.
Иако на стандардните когнитивни тестови не била утврдена јасна разлика, резултатите укажуваат на биолошки сигнали дека зелениот чај и исхраната богата со полифеноли создаваат поволни услови за мозочна функција.
Истражувачите предупредуваат дека поголемиот дел од испитаниците биле мажи со метаболички ризици, па заклучоците не може целосно да се генерализираат.
Сепак, главната порака е практична – вклучувањето на зелениот чај во рамки на медитеранскиот начин на исхрана може да биде едноставен и корисен чекор за зачувување на здравјето на мозокот.
Извор: Index.hr
