Поради глобалното затоплување и загревањето на Арктикот, слоевите мраз почнуваат да се топат, а микробите во нив постепено се будат.
Пермафростот, трајно замрзнатата почва која останува замрзната повеќе од две години, претставува природен фрижидер кој содржи огромни резервоари на јаглерод, а кога тој ќе се топи, микробите во него можат да ослободуваат јаглерод диоксид, метан и други штетни гасови кои придонесуваат за ефектот на стаклената градина, наведува порталот Brighterside.
За да откријат колку брзо овие микроби оживуваат по растопувањето, научниците од Универзитетот во Болдер, Колорадо, ги изложиле на метод на топење со вода и потоа го следеле понатамошниот тек на настаните.
„Овие микроби се како временски капсули и не се само мртви примероци, туку можат многу силно да ослободат јаглерод диоксид“, изјавил истражувачот Тристан Каро.
Студијата открила дека арктичкиот пермафрост не ги ослободува сите свои резерви на јаглерод одеднаш при топењето, туку микробите во него оживуваат постепено и потребно е време пред да започне емисијата на штетни гасови.
Заклучоците од студијата можат да помогнат во создавањето на подетални прогнози за брзината на емисијата на штетни гасови при топењето на Арктикот, а оваа информација укажува на неопходноста од побрзо намалување на согорувањето на фосилни горива кои водат до такви емисии.
Извор: N1info.rs
