Истражувачи од Универзитетот во Мичиген развија софтвер со отворен код и онлајн листа на резултати за мерење на потрошувачката на електрична енергија на различни AI модели. Податоците покажуваат дека енергетските потреби на моделите можат да варираат и до 300 пати, во зависност од задачата која се извршува.
Овие мерки се спроведени на 46 модели, седум задачи и 1858 конфигурации, користејќи NVIDIA H100 и B200 GPU-ови. Истражувачите набљудувале задачи како генерирање текст, видео, слики, кодирање и решавање проблеми.
Јавно достапната платформа ml.energy/leaderboard им овозможува на компании и програмери да проценат и приватни модели и нивната потрошувачка на енергија.
Тренинг на мозочни органоиди
Истражувачи од Универзитетот на Калифорнија, Санта Круз (UCSC), успеаја да лабораториски израснати мозочни органоиди од глушечки матични клетки научат да решаваат класичен инженерски проблем – балансирање на виртуелен столб на количка („обратна нивелација“).
Преку електрични сигнали и учење со засилување, перформансите на органоидите се подобриле од 4,5% на 46%. Овие истражувања овозможуваат разбирање на тоа како неуронските мрежи се прилагодуваат и можат да помогнат во проучување на невролошки состојби како Алцхајмер, Паркинсон, аутизам и ADHD.
Заштита на дронови од кибер закани
На Универзитетот во Аделаида е развиен систем за заштита на дронови од хакерски напади, прекини на сигнал и злонамерен софтвер.
SD-WAN базирана архитектура им овозможува на дроновите да користат повеќе комуникациски канали истовремено, автоматски префрлајќи се доколку еден канал биде компромитиран. Вграден фајервол следи и блокира сомнителни активности во реално време, што создава посигурни и отпорни беспилотни системи.
Крвниот тест кој предвидува долговечност
Истражување на Duke Health и Универзитетот во Минесота покажува дека малите RNA молекули, познати како piRNA, можат прецизно да предвидат кои постари лица имаат најголеми шанси да преживеат уште две години.
Тестот користи само неколку piRNA молекули и се покажал попрецизен од возраста, животните навики или други здравствени показатели, со точност од 86%. Овој метод овозможува рана идентификација на ризиците и соодветна интервенција.
Далечинскиот тест за хакнати телефони
Истражувачи од Универзитетот Колорадо, Болдер и Националниот институт за стандарди и технологии развија метод за далечинско идентификување дали мобилен уред е модифициран или хакнат.
Методот користи SIM-карти и емулатор за базни станици за создавање на база на доверливи „отисоци“ на сигналите од уредите, со точност од над 95%, и е применлив на сегашни и идни 4G и 5G мрежи.
Суперхидрофобни површини отпорни на топла вода
Суперхидрофобните материјали, кои ја одбиваат водата, губат дел од својата функција кога температурата на водата надминува 40°C.
Инженерите од Универзитетот Рајс развија нов повеќеслоен изолиран суперходрофобен премаз (MISH) кој ја одбива водата дури и при температура до 90°C, овозможувајќи практична примена на „никогаш мокри“ површини и во екстремни услови.
