Рекорден лет кој ќе трае неверојатни 29 часа и ќе помине 12.200 милји ќе започне оваа зима. China Eastern Airlines се подготвува да понуди најдолгиот директен лет во светот, поврзувајќи го Шангај (Кина) со Буенос Аирес (Аргентина), со кратка пауза во Окланд (Нов Зеланд), пренесува Mirror.
Искуствените патници не се изненадени од долги летови кои можат да траат до 16 часа – како рутата Сингапур–Њујорк на Singapore Airlines. Но, новата линија Кина–Аргентина е подготвена да ги надмине сите рекорди.
Полегајќи од Шангај, патниците ќе пристигнат на дестинацијата за нешто помалку од 26 часа, прелетувајќи вкупно 12.229 милји. Во оваа бројка е вклучена и пауза од два и пол часа во Нов Зеланд.
И покрај застанувањето, летот сè уште се смета за директен, бидејќи патниците нема да менуваат авион и ќе можат да си ги задржат истите седишта за време на целото патување.
Повратното патување ќе трае дури 29 часа, со повторно застанување во Окланд. Цената на еднонасочна карта се движи од околу 1.280 фунти (од Шангај до Буенос Аирес), до над 1.400 фунти за повратен лет (од Буенос Аирес до Шангај), иако некои извештаи се разликуваат околу точната цена.
Оваа нова линија го надминува претходниот рекордер за најдолг лет со едно застанување – рутата Пекинг–Сао Паоло, која ја оперираше China Airlines.
За оние кои се прашуваат кој тип авион е најсоодветен за вакво епско патување, се смета дека тоа ќе биде Boeing 777-300ER, кој спаѓа во категоријата на долголиниски авиони.
Картите веќе се пуштени во продажба за летовите кои почнуваат на 4 декември. Ќе се нудат седишта во прва, бизнис и економска класа, а летовите ќе се извршуваат два пати неделно – понеделник и четврток од Кина, и вторник и петок од Аргентина.
