Линдзи Бакингем, гитарист и ко-вокалист на Fleetwood Mac, бил нападнат од жена додека влегувал во зграда во Санта Моника, јавуваат американските медиуми. Според информациите од полицијата, жената фрлила непозната супстанца врз 76-годишниот музичар, а потоа избегала.
Од полицијата велат дека Бакингем не бил повреден во инцидентот. Осомничената е опишана како жена која и претходно била поврзувана со случаи на следење, а властите наведуваат дека музичарот веќе ѝ бил познат поради претходни инциденти.
Според истрагата, полицијата знае за кого станува збор и очекува апсење во скоро време.
Бакингем му се приклучи на Fleetwood Mac во 1975 година, заедно со Стиви Никс, со која претходно настапуваше и во сопствениот музички проект. Минатата година двајцата повторно го објавија албумот „Buckingham Nicks“ од 1973 година, првпат достапен за јавноста по неговото оригинално издание.
Тогаш и Бакингем и Никс со свои изјави поттикнаа шпекулации за можно повторно приближување, откако Никс откри дека повторно се во контакт.
