Инцидентот се случил во воз на компанијата „London North Eastern Railway“ (LNER), кој тргнал од Донкастер кон лондонската станица „Кингс Крос“ во 18:25 часот по локално време.
Хаосот започнал кратко по поминувањето на градот Питерборо во Камбриџшир, кога најмалку еден маж започнал да ги напаѓа патниците со нож. Според британската транспортна полиција (BTP), првата дојава за нападот пристигнала во 19:42 часот, по што возот бил итно запрен во местото Хантингтон.
Во акцијата на вооружените полициски единици, кои пристигнале за само осум минути, уапсени биле двајца британски државјани на возраст од 32 и 35 години, под сомнение за обид за убиство. Полицијата соопшти дека засега нема индиции дека се работи за терористички напад.
Сведоци опишуваат сцени на паника и хаос во возот – патниците бегале низ вагоните, се криеле во тоалетите и се обидувале да им помогнат на повредените. „Луѓето беа облеани во крв, некои врескаа, а еден маж со телото ја штитеше една девојка“, изјавил еден од патниците. Други сведоци велат дека импровизирано пружале прва помош, користејќи јакни и пешкири за да ги притиснат раните на повредените.
Извор: 24sata.hr
