Над 29 илјади жители на Јужна Украина останаа без електрична енергија поради ноќен напад со руски дронови врз електроенергетски капацитет во близина на Одеса. Веќе 42 месеци откако почна руската инвазија, критичната инфраструктура на Украина е редовна цел на нападите. Минатата недела, за време на масовно гранатирање на повеќе региони, во Киев животот го загубија 25 лица.
Најсериозно последици претрпе градот Чорноморск, сместен веднаш покрај Одеса. Гувернерот на областа, Олег Кипер, соопшти дека покрај енергетската мрежа биле оштетени и неколку станбени и управни објекти. Во меѓувреме, Министерството за одбрана на Русија објави дека нивната противвоздушна одбрана соборила 21 украински дрон во текот на ноќта.
11 беспилотни летала биле пресретнати над Волгоградската област, а останатите над регионот на Ростов, Белгород и Брјанск. Информацијата беше споделена преку официјалниот канал на Министерството на Телеграм.
