„Истражувањата сугерираат дека ресвератролот може да помогне во намалување на крвниот притисок, регулирање на нивото на шеќер во крвта и поддршка при слабеење“, објаснува нутриционистката Ен Данафи.
Но, добрата вест е дека не мора да посегнете по чаша вино за да го внесете ресвератролот. Постојат и други природни извори на овој моќен антиоксиданс – без мамурлук и без ризиците што ги носи алкохолот.
„Иако не содржат иста количина по грам како виното, овие намирници нудат и влакна, витамини и многу други здравствени придобивки“, додава нутриционистката Гида Арнаут.
Во продолжение, ти ги претставуваме петте најдобри извори на ресвератрол кои вреди да ги вклучиш во следното пазарување:
1. Грозје
„Црвеното грозје и виното се меѓу најбогатите извори на ресвератрол“, вели Данафи. Најмногу се содржи во лушпата на темното грозје, што и објаснува зошто белите и розе вина имаат многу помалку од ова соединение. Грозјето лесно се вклопува во секојдневната исхрана – како закуска, со сирење или во салата со пилешко месо.
2. Ореви
Изненадувачки, но оревите се еден од најбогатите извори на ресвератрол меѓу јаткастите плодови. Покрај тоа, се богати со омега-3 масни киселини, витамин Е и пребиотици. Одлични се во овесни каши, салати или како здрава ужина.
3. Боровинки
Боровинките се уште еден добар извор на ресвератрол – иако количината варира според начинот на одгледување. Исто така содржат околу 3,5 грама влакна по шолја, како и значајни количини калиум, витамин Ц и витамин К. Одлични се во смути, колачи, овесни оброци и овошни сосови.
4. Брусница
Иако свежа не е секогаш достапна, замрзнатата или сушената брусница е одличен извор на антиоксиданси, вклучувајќи ресвератрол. Содржи и влакна и витамин Ц. Одлична е во смути, како сос или во комбинација со јаткасти плодови – посебно популарна во солени и слатки намази.
5. Кикиритки
Можеби неочекувано, но и кикиритките содржат ресвератрол. Освен тоа, се богати со протеини, влакна и здрави масти. Најдобро е да се јадат печени, со што помалку додатоци – како здрава ужина или во комбинација со други јаткасти плодови.
Дали црвеното вино навистина е најдобриот извор на ресвератрол?
Иако чаша вино содржи ресвератрол, експертите предупредуваат дека за да се постигне значаен ефект би требало да се внесуваат околу 1.000 mg дневно – што би значело да испиете над 4 литри вино на ден. Тоа, секако, е повеќе штетно отколку корисно.
„Затоа не препорачуваме алкохол како извор на ресвератрол, особено ако инаку не пиете“, вели Арнаут. Данафи, пак, додава дека ниту суплементите не се доволно испитани кај луѓе, и оти повеќето истражувања се вршени на животни.
Заклучок на стручњаците: Избирајте целосни намирници
„Ресвератролот е само еден од многуте корисни растителни соединенија, но не делува изолирано“, вели Данафи. Наместо да се фокусирате на еден состојка, таа препорачува разновидна исхрана богата со овошје, зеленчук, јаткасти плодови и семиња. Токму таквата исхрана обезбедува стотици хранливи материи што заедно придонесуваат за здраво срце.
