Според податоците на Управата за хидрометеоролошки работи (УХМР), значителни количини дожд се регистрирани и во Претор (30 литри), Маврови Анови (28), Лазарополе (23), Прилеп и Пожаране (18), Берово (16), Тополчани (14), Радовиш (12), Струмица и Попова Шапка (11), Виница (10), Тетово и Битола (9), Зајчев Рид – Скопје, Куманово и Гевгелија (8), Ѓуриште (7), Скопје–Петровец и Штип (6), како и Крива Паланка и Демир Капија (5).
Нов бран на врнежи и заладување
Под влијание на нова циклонска активност продолжува периодот на променливо и облачно време со локални врнежи од дожд. Утре и за време на викендот повторно се очекуваат пообилни врнежи – над 30 литри на квадратен метар за 24 часа – локално проследени со невреме, засилен ветер и грмежи.
Од недела се предвидува значителен пад на утринските и дневните температури, а на повисоките планини дождот ќе премине во слаб снег.
Извор: 360 степени
