Во експлозија во фабрика за производство на лепак во источен Пакистан денеска загинаа најмалку 18 лица, а речиси дваесетина беа повредени, соопштија официјални лица.
Експлозијата, која потекнува од котел, ја срамни со земја фабриката и околу десетина куќи во индустрискиот град Фајсалабад, изјави за ДПА службеникот за спасување Фарук Ахмед.
Операцијата за пребарување и спасување што траеше неколку часа пронајде 18 тела и 23 повредени лица под урнатините, изјави локалниот администратор Раџа Џахангир.
Неколку од повредените се во критична состојба, рече Ахмед.
Истекување на гас можеби ја предизвикало експлозијата, рече Џахангир, повикувајќи се на прелиминарни наоди.
Експлозијата се случува речиси една недела по слична несреќа во фабрика за петарди во јужната покраина Синд во која загинаа 10 лица.
