Маха Ваџиралонгкорн важи за најбогатиот монарх во светот, со проценето богатство меѓу 30 и 70 милијарди долари. Неговото богатство се темели на огромен имотен и инвестициски портфолио, како и на директна контрола врз клучни финансиски институции во Тајланд.
Кралот управува со повеќе од 17.000 договори за изнајмување само во Бангкок и околу 40.000 низ целата земја. Под негова контрола се околу 6.560 хектари земјиште, како и бројни деловни објекти, хотели и луксузни одморалишта кои носат значителни приходи. Имотот се администрира преку Crown Property Bureau, институција што управува со кралските недвижности и инвестиции.
Покрај недвижностите, Ваџиралонгкорн има значителни удели во две од најголемите компании во земјата – Siam Commercial Bank и Siam Cement Group, што дополнително ја зацврстува неговата финансиска моќ и влијание во тајландската економија.
Неговиот начин на живот е симбол на екстраваганција. Поседува флота од 38 приватни авиони и хеликоптери, повеќе од 300 луксузни автомобили и 52 позлатени бродови што се користат за свечени церемонии. Во неговата колекција се наоѓа и познатиот Golden Jubilee Diamond, еден од најголемите брусен дијаманти во светот.
Иако често се споменува и саудиското кралско семејство како едно од најбогатите, повеќе светски извори го посочуваат токму Маха Ваџиралонгкорн како најбогат поединечен монарх на денешницата.
