Претставата „Кенди“ во режија на Тамара Стојаноска, на Театар „Златен Елец“ од Скопје ја освои наградата БИШ на фестивалот Млад отворен театар. Ова е втора година како се доделува наградата што е посветена на независната домашна продукција.
Во претставата играат Лео Поповиќ и Бобан Алексоски. За наградата одлучи жирито во состав: Сашо Огненовски, Маја Митиќ од Србија и Доротеа Подолски од Хрватска.
На отворениот повик на фестивалот се пријавија 25 театарски претстави од домашната независна продукција, а на фестивалот беа изведени шест од нив. Наградата е именувана по еден од основачите на МОТ, Љубиша Никодиновски-Биш, кој почина лани.
