Познатата берлинска ТВ кула Fernzeturm е највисоката зграда во Германија, но новите ветерници се надеваат дека ќе го срушат овој рекорд.
Дрезденската инженерска компанија Gicon го постави камен-темелникот за својата прва ваква ветерница висока како облакодер, на околу 130 километри јужно од главниот град, во регионот на јаглен Лужица.
Ветерницата е дизајнирана да биде висока до 364 метри, кога се мери до врвот на пропелерот во вертикална положба. Ова ќе ја направи далеку повисока од која било друга турбина на ветер на копно и само неколку метри пониска од Fernzeturm.
Некои од најголемите светски производители имаат концепти, дизајни и прототипови со поголема вкупна висина, бидејќи сечилата се подолги, но тоа се најчесто ветерници кои се поставуваат на вода, со столбови закопани на дното, па еден дел од нив е под површината на морето.
Роторот на иновативната конструкција на компанијата Gicon може да се постави на висина до 300 метри над земјата, што би било светски рекорд. Куќиштето ќе биде на кула со четири крака, што е сличен на приодот како столбовите на далноводот или на Ајфеловата кула.
Ветерните турбини ќе се градат помеѓу постоечките ветерници, додека основачот, претседател и извршен директор на компанијата, Јохен Гросман, претходно изјави дека високите турбини воопшто не го „крадат“ ветерот од пониските машини.
Инженерите кои ја дизајнирале велат дека очекуваната моќност на турбината Gicon е двојно поголема за истата област покриена со пропелери.
Гросман вели дека ветерницата е ефикасна како оние кои се поставуваат на вода, но трошоците за одржување и изградба се пониски, бидејќи е на копно.
На локацијата на прототипот, ветерната електрана Клетвиц, има и фотоволтаичен погон. Така, кога следната година ќе биде пуштена во употреба новата турбина, хибридната електрана ќе произведува струја и на приземје и на првиот и вториот кат.
Изградена е на местото на поранешен рудник за јаглен, кој работеше во еден од најголемите региони за ископување јаглен во земјата.
