Од зградата на РТС беше развиен транспарент „Работниците на РТС се со студентите“, а толпата возврати со скандирање „Ви благодариме за поддршката“.
Голем број граѓани и студенти вечерва се собраа пред зградата на Радио и телевизија на Србија на студентски протест насловен како, „Нашето право е да знаеме се“.
Со 15-минутно молчење и блесок на светлината, насобраниот народ симболично го разбива медиумскиот мрак, создавајќи величествена слика за единството на граѓаните и студентите. Целта на протестот пред РТС е студентите уште еднаш да го свртат вниманието на неадекватното известување на овој јавен медиумски сервис.
Инаку и РТС се вклучи да известува од протестите во живо.
Во Втората дневна вест на РТС, по првите вести за здравствената состојба на повреденото девојче, се вклучи и нивниот репортер кој директно известува од протестот, пишува Данас.
Репортерот објасни дека студентите протестираат пред РТС бидејќи се незадоволни од известувањето од Јавниот сервис.
Во програмата беше вклучен и граѓанин од протестот.
