Астронаутите Ник Хејг и Александар Горбунов во септември со ракета на SpaceX ќе се упатат кон Меѓународната вселенска станица, од каде во февруари треба да се вратат Суни Вилијамс и Буч Вилмор.
НАСА одлучи дека е преризично за Вилијамс и Вилмор да се вратат назад со капсулата на Боинг, „Старлајнер“, која е оштетена и има проблеми со истекување на хелиум.
Тие се упатија на МВС во јуни и таму требаше да останат само осум дена, меѓутоа нивната мисија се продолжи.
Од НАСА велат дека при носењето на одлуките ги земаат предвид искуствата со претходните летови во вселената и други фактори.
