Папата Франциск почина во понеделник откако доживеа мозочен удар што доведе до кома и срцев удар. Веста за неговата смрт предизвика лавина од реакции на социјалните мрежи, а меѓу нив, особено се издвои трогателната објава на еден корисник кој сподели лична анегдота – тој и неговата сопруга, како шега, испратиле покана до папата Франциск пред свадбата и – добиле одговор.
Емотивното сеќавање стана вирално на Reddit и брзо стекна огромна популарност. Корисникот напиша:
„Сопругата и јас му испративме на папата Франциск покана за нашата свадба како шега додека сè уште бевме верени, и еве го одговорот што го добивме од Ватикан.“
Заедно со текстот, тој прикачи фотографија од официјалното писмо.
Во писмото од Државниот секретаријат на Ватикан се вели:
„Неговата Светост, Папата Франциск, го прими вашето љубезно писмо и ме замоли да ви се заблагодарам. Неговата Светост ќе се моли за вас и вашиот вереник на вашата радосна венчавка. Тој ве повикува на изобилството на Божјите благослови.“
До денес, објавата има собрано повеќе од 110.000 лајкови. Многумина го опишаа овој мал чин на папско внимание како исклучително топол и човечки.
„Тој беше навистина добар човек. Мали работи како ова нè потсетуваат што значи да се биде човек“, е еден од бројните коментари.
