Сепак, дури 55 проценти од родителите сметаат дека малку беља е корисна бидејќи поттикнува љубопитност и авантуристички дух.
Речиси половина веруваат дека шегите исто така ја поттикнуваат креативноста и вештините за решавање проблеми, додека 45 проценти мислат дека тие ги учат децата на граници и тестираат колку далеку можат да одат, објавува „Мирор“.
Според истражувањата, повеќе од половина од родителите признаваат дека нивните деца јавно ги засрамиле со изливи на гнев или необично однесување. Иако четвртина од родителите признаваат дека тоа може да биде фрустрирачко, најчестата реакција е смеењето.
„Зголемувањето на палавоста кај децата на возраст меѓу три и пет години се совпаѓа со нивната свест дека другите луѓе имаат мисли кои се различни од нивните“, објасни психологот д-р Сем Вас, директор на Институтот за рано детство.
Тој додава дека почнуваат да експериментираат, обидувајќи се да видат дали можат да ги „измамат“ возрасните. И иако тоа е знак на здрава љубопитност, важно е да не дозволите да излезе од контрола.
Во семејства со повеќе деца, истражувањата покажаа дека најмладото дете често се смета за најпалаво. Додека 19 проценти од родителите веруваат дека средното дете е најнепослушно, 11 проценти го обвинуваат најстарото, а 14 проценти веруваат дека сите нивни деца се подеднакво непослушни.
Исто така, тројца од десет родители веруваат дека нивните деца се понепослушни од децата на другите луѓе, а 11 проценти мислат дека на нивните малечки им се потребни само пет минути да направат неред кога никој не ги гледа.
Совети за справување со детската беља
Реагирајте со хумор и игра: Децата на возраст меѓу три и шест години честопати сакаат да измислуваат игри и шеги. Наместо веднаш да ги замолчиме, треба да се обидеме да се придружиме на играта, дури и кога сме уморни. Потиснувањето на разиграноста може да испрати погрешна порака.
Објаснете ги последиците: Децата ретко сакаат да се повредат себеси или другите, најчесто тие само дејствуваат без размислување. Наместо казна, нежно објаснете што може да се случи. Колку повеќе разбирање покажувате за нивните мотивации, толку побрзо ќе ги научат границите.
Покажете ја логиката зад правилата: Ако сакате вашето дете да ги разбере и да ги следи правилата, важно е да знае зошто тие постојат. Децата полесно ги прифаќаат ограничувањата кога го гледаат значењето зад нив – тоа ја развива нивната интелигенција и разбирање, а не само послушност.
