Ова едноставно прилагодување на фрижидерот може да го продолжи рокот на траење на храната и да ги намали трошоците за енергија.
Како што сметките за струја растат, експертите истакнуваат едноставни, но ефикасни начини за заштеда на пари во домаќинството – а фрижидерот може да биде идеално место за почеток, пренесува N1 Загреб.
Според Рајан Адамс, експерт за домашни апарати, правилното прилагодување на температурата на фрижидерот може да заштеди пари на долг рок, пишува Express.co.uk.
„Поставувањето на фрижидерот на оптимален температурен опсег од три до пет степени Целзиусови претставува идеален баланс помеѓу безбедноста на храната и потрошувачката на енергија. Температури пониски од овој опсег непотребно трошат енергија, додека повисоки температури можат да ја загрозат свежината и безбедноста на храната.“
Оваа мала промена може да донесе значителни заштеди.
