Градоначалникот на Шуто Оризари, Курто Дудуш, ги повика сите скопјани на незаборавна прослава за дочекот на Новата година на плоштадот во неговата општина.
„Додека центарот на Скопје останува празен и без идеја за празнична програма, ние во Шуто Оризари подготвивме вистинска новогодишна магија за сите генерации. Почнувајќи од 12:00 часот, ќе имаме програма за најмладите, а забавата ќе трае до раните утрински часови со уникатна ромска музика и песна,“ порача Дудуш, додавајќи дека сите граѓани се добредојдени да ја почувствуваат вистинската празнична атмосфера.
Општина Шуто Оризари ветува ден и ноќ исполнети со музика, веселба и забава, што ќе ги обедини скопјаните на незаборавен начин.
