За да ги искористите сите придобивки од зелениот чај, важно е да знаете кога да го пиете и со што да не го комбинирате.
Без разлика дали уживате во топла шолја зелен чај наутро или го пиете ладен во летна жештина, овој напиток не е само вкусна навика, туку и вистинско богатство на здравствени придобивки.
Зелениот чај е богат со растителни соединенија наречени катехини, особено епигалокатехин галат (EGCG) – моќен антиоксиданс што се бори против слободните радикали и воспаленија во телото.
Кога е најдобро да се пие зелен чај?
Според нутриционистката д-р Џој Дубост, директорка за здравствени науки во Lipton Teas and Infusions:
„Најважно е да го пиете кога вам најмногу ви одговара – наутро, попладне или навечер.“
Сепак, одредено време во денот може да ја подобри апсорпцијата на корисните состојки.
Наутро, на празен стомак
Пиењето зелен чај веднаш по будењето може да го зголеми внесот на катехини, бидејќи нема храна што би го попречила нивното впивање.
Храната богата со протеини, растителни влакна и некои минерали може да ги „зароби“ флавоноидите и да ја намали нивната искористливост.
Помеѓу оброци
Ако пиете чај премногу блиску до оброк, особено оброци богати со железо, танините од чајот можат да ја попречат апсорпцијата на железото.
Препорака: пијте го најмалку 2 часа пред или по оброк за да ги добиете сите антиоксидативни бенефити
По оброк
Иако шолја чај по јадење може да изгледа опуштачки, танините сè уште ја намалуваат апсорпцијата на нехемско железо (особено од растителни извори). Тоа е важно за луѓе со анемија.
Идеално: почекајте барем 2 часа по оброкот
Навечер
Зелениот чај содржи околу 30 мг кофеин по шолја – помалку од кафе, но доволно за да го наруши сонот кај чувствителни луѓе.
Ако сакате да избегнете кофеин, изберете чај од камилица или друг билен чај.
Што влијае на апсорпцијата на антиоксиданси од зелениот чај?
Начин на подготовка: Најмногу антиоксиданси се ослободуваат ако зелениот чај се подготви со врела вода и се остава до 5 минути. Подолго натопување може да доведе до горчлив вкус.
Што јадете со чајот: Витаминот C (од лимон, јагоди, портокали) ја зголемува апсорпцијата на антиоксиданси. Додавање млеко (и кравјо и соино) може да ја намали ефективноста на антиоксидансите.
Здравствена состојба: Начинот на живот влијае – пушење, висок BMI и генетика можат да ја намалат способноста на телото да ги искористи корисните соединенија од чајот.
Совети за максимална корист:
Подгответе го правилно (со врела вода, 2–5 минути)
Пијте го на празен стомак или помеѓу оброци
Комбинирајте со витамин C
Избегнувајте млеко
Внимавајте на кога во денот го пиете (избегнувајте вечер ако сте чувствителни на кофеин)
