Најдобрите компании за работа во Европа во 2024 година: Кои се и зошто се издвојуваат?

Европските земји редовно се рангираат меѓу најдобрите кога станува збор за балансот меѓу работата и приватниот живот. Некои од нив беа меѓу првите што експериментираа со четиридневна работна недела, а истовремено нудат и високи просечни плати и бројни придобивки за вработените.

Но, за кои компании во Европа е најдобро да се работи? Организациите Fortune и Great Place To Work ја објавија листата на „100 најдобри компании за работа во Европа“, заснована на анализа на над 1,3 милиони одговори од анкети спроведени кај повеќе од два милиони вработени низ континентот.

Што ги издвојува најдобрите компании?

Компаниите кои се на врвот на листата имаат вработени кои се позадоволни и помотивирани. Според студијата на Great Place To Work, 90% од работниците во високорангираните компании изјавиле дека вложуваат дополнителен напор за да ја завршат својата работа, во споредба со само 59% на типично европско работно место.

Еден од клучните фактори е и пријателската атмосфера. Работниците кои имаат добра соработка со своите колеги имаат 108% поголеми шанси да вложат дополнителен труд.

Студијата покажува дека стапката на иновации е 66% повисока во најдобрите компании, благодарение на континуираната обука и можностите за развој што ги обезбедуваат.

Топ 10 најдобри компании за работа во Европа во 2024 година:

1. DHL Express Europe
2. AbbVie
3. Hilti
4. Hilton
5. Cisco
6. Stryker
7. Allianz
8. Specsavers
9. Agilent Technologies
10. Chiesi Europe

Балансот меѓу работата и приватниот живот

Една од главните предности во овие компании е поддршката за одржување на балансот меѓу работата и приватниот живот. Дури 85% од вработените изјавиле дека компаниите ги поттикнувале да го одржуваат овој баланс, а 92% потврдиле дека можеле да земат слободни денови кога им било потребно.

Праведноста на работното место исто така има значителна улога. Вработените во овие компании изјавиле дека унапредувањата се фер (78%), добивале правичен дел од профитот на компанијата (70%) и не постоеле фаворити меѓу менаџерите (81%).

Најголемите компании во Европа

Кога станува збор за приходите, европските гиганти доаѓаат од традиционални индустрии како фосилни горива, автомобилска индустрија и финансии. На врвот на листата е германскиот производител на автомобили Volkswagen, а веднаш по него следат британскиот Shell и францускиот TotalEnergies.

Топ 10 најголеми европски компании според приходи во 2024 година:

1. Volkswagen
2. Shell
3. TotalEnergies
4. Glencore
5. British Petroleum (BP)
6. Stellantis
7. BMW Group
8. Mercedes-Benz Group
9. Électricité de France
10. Banco Santander