Според бројни истражувања, комуникацијата е темел на блискоста, меѓусебното разбирање и заедничкото решавање на проблемите. Без неа, партнерите постепено се оддалечуваат – сѐ додека врската не се прекине.
Најчестите проблеми во комуникацијата што водат до развод:
- Чувство дека партнерот не ве разбира
Истражување од 2016 година покажало дека најсреќните парови се оние што знаат да се слушаат и разбираат. Кога партнерот ги признава и почитува вашите чувства, врската станува подлабока и посигурна. Наспроти тоа, недостатокот на разбирање води кон емоционална дистанца, несигурност и непочитување. - Деструктивни караници
Кога комуникацијата се наруши, конфликтите лесно преминуваат во емотивни пресметки без конструктивна цел. Многу парови во такви моменти прибегнуваат кон игнорирање, иронија, навредување, дури и викање и фрлање предмети. Таквите однесувања ја рушат довербата и ја поткопуваат врската. - Целосен молк
Молчењето не е секогаш знак на мир. Кога паровите престануваат да разговараат за важни теми, нивната врска станува ранлива. Емоционалната дистанца почнува токму од молчењето. - Неспособност да се разговара за пари
Финансиите се една од најчестите причини за караници. Дури и ако темата е непријатна, отворениот разговор за приходи, заеднички или одделни сметки, долгови и идни цели – како купување дом или патување – е клучен за здрава врска и доверба. - Немате повеќе за што да разговарате
Во едно истражување на скоро 900 разведени парови, 55% изјавиле дека едноставно се оддалечиле, а 53% навеле дека причината е недостаток на комуникација. Најздравите врски имаат рамнотежа меѓу љубовта и пријателството. Ако не можете да разговарате со партнерот отворено, како со пријател, опасноста од емоционално оддалечување е голема.
Што можете да направите?
- Инвестирајте во комуникација – курсеви за парови можат да помогнат во развој на вештини за слушање и изразување.
- Воведете редовни „вечери за двајца“ – без стрес и обврски, само за вас двајца.
- Прифатете ги разликите – секој има свој начин на изразување. Разбирањето на партнерот е клучно.
Интимноста е важна, но комуникацијата е темелот
Истражувањата покажуваат дека и жените и мажите се посреќни кога чувствуваат дека се разбрани. Отворениот разговор ја зајакнува интимноста, ја намалува тензијата и го стимулира лачењето на „хормонот на љубовта“ – окситоцин.
Браковите не се распаѓаат преку ноќ, но без искрена и сочувствителна комуникација, тоа станува само прашање на време.
