Гватемалскиот вулкан Фуего, кој сеизмолозите го сметаат за еден од најактивните вулкани на светот, моментално еруптира.
Властите во оваа централноамериканска земја веќе евакуирале скоро 300 семејства, но предупредуваат дека уште 30.000 луѓе во оваа област, која се наоѓа околу 60 километри од главниот град, би можеле да бидат загрозени. Ерупцијата започна во недела навечер и засега нема извештаи за жртви.
Властите ги затворија сите блиски училишта и клучниот пат кој ги поврзува неколку заедници во оваа област.
Експертите велат дека најголема опасност од вулканот не е самата ерупција, туку „цунамито” од пепел, камења, кал и остатоци кои можат да ги затрупаат целите села.
Во ерупцијата во 2018 година загинаа 194 лица, а 234 се исчезнати. Вулканот Фуего бил неактивен само 50 дена, според Националниот институт за сеизмологија, вулканологија, метеорологија и хидрологија (Insivumeh).
