Симбол на борбата: Тито и Орденот на победата
Централен настан ќе биде јавното изложување на Орденот на победата – највисокото советско одликување доделено на Јосип Броз Тито во 1945 година. Орденот, кој обично се чува во трезор, ќе биде достапен за јавноста целиот ден во Музејот „25 Мај“. Во историјата, ова одликување е доделено само 17 пати, а Тито е еден од ретките странци што го добиле.
Во 14 часот ќе се одржи разговорот „По шумите и гората“, посветен на современи интерпретации на антифашистичката борба преку уметноста и микроприказните. Учесници се историчарот Војислав Мартинов, уметникот Владимир Бјеличиќ и режисерката Рената Полјак, со модераторка Ана Паниќ од Музејот на Југославија.
Во 16 часот ќе следува проекција на документарниот филм Шуми шуми (2024), кој ги преиспитува женските искуства во партизанскиот отпор.
Дополнително, на 7 и 8 мај ќе се одржат трибини од програмата „Еден поинаков свет“, инспирирани од документарната серија за југословенското самоуправување.
Влезот за сите програми е бесплатен.
