Билогот Ерик Франк, 11 години ги проучивал мравките заедно со неговите колеги од Универзитетот во Вирцбург. Тие увиделе дека повеќето видови на мравки, повредените или отсечените екстремитети ги третираат со антимокробна смеса, но црвено-кафеавите тн. столарски мравки имаат поинаков пристап – тие го одгризуваат остатокот од екстремитетот, односно го ампутираат.
Други животни, како што се гуштерите, ги отфрлаат сопствените експтремитети за да ги избегнат предаторите, но Френк верува дека ова е прв случај инсект да отсекува екстремитет од друг инсект за да му го спаси животот. Единствен друг вид што го прави тоа се луѓето.
„Воопшто не верував, бидејќи ова беше спротивно на очекувањата. Четири пати го повторивме експериметот пред што го прифативме“ вели Френк.
Ентомолозите и претходно забележале дека некои правки ги пренесуваат своите повредени другари до живеалиштето, каде што се грижат за нив.
Повеќето видови мравки имаат жлезди кои лачат антимикробни соединенија кои спречуваат габични и бактериски инфекции, кои обично влегуваат во телото преку рани. Но, столарските мравки од Флорида (camponotus floridanus), инсект долг околу еден центиметар, ја изгубил таа жлезда со текот на еволуцијата.
За да сфатат како видовите се грижат за себе, тимот на Френк им ги отсекувал нозете на мравките и ја изложувал раната на бактерија која обично се наоѓа во почвата. Некои од мравките потоа биле оставани во изолација, а некои враќани во живеалиштата.
Мравките кои се вратиле во живеалиштето, брзо биле третирани од нивните „другари“, кои ја ампутирале ногата. 90 отсто од мравките кои добиле ваква интервенција преживеале, наспроти само 40 отсто од тие кои биле изолирани.
Истражувачите ги правеле раните и пониско на нозете на мравките, но во таквите случаи инсектите не ги ампутирале екстремитетите на нивните „другари“. Наместо тоа, едноставно само ја лижеле раната за со јазикот да ги отстранат бактериите. Процентот на преживеани мравки во живеалиштата бил ист, околу 90 отсто, но и процентот на преживеани мравки во изолација сега бил повисок, односно 75 отсто.
Извор: РТС
