Дубаи беше погоден од силно невреме проследено со обилни врнежи, грмежи и силни ветрови, што доведе до поплави во повеќе делови од градот.
На социјалните мрежи се појавија снимки на кои молња ја погодува Бурџ Калифа, највисоката зграда во светот висока 829 метри.
Невремето зафати и други делови од Обединетите Арапски Емирати, поради што властите издадоа безбедносни предупредувања и активираа вонредни мерки.
Силните ветрови подигале прашина и значително ја намалиле видливоста, што дополнително го отежнало сообраќајот.
Полицијата во Дубаи соопшти дека ги засилила активностите на терен, додека специјализирани тимови работеле на обезбедување на патиштата и нормализирање на сообраќајот.
Екипи за итни интервенции, заедно со служби за испумпување вода, биле ангажирани уште пред зори за справување со последиците од невремето.
Необичните временски услови повторно ја нагласија ранливоста на урбаните средини при екстремни климатски појави.
