Време е да откриеш кој тип ти одговара, бидејќи не секој магнезиум е за секого. Некои помагаат за варење, други за стрес, трети се добри за срцето, а некои – само за полесно одење во тоалет.
Зошто ни е важен магнезиумот?
Магнезиумот е есенцијален минерал кој му е потребен на телото за правилна функција на мускулите, работата на срцето, концентрацијата и квалитетниот сон. Да, може да се внесе преку храна – зелен лиснат зеленчук, бадеми, интегрални житарици – но реално, колкумина од нас навистина јадат доволно?
Затоа многумина посегнуваат по додатоци. Но, не секој магнезиум е ист.
Кој магнезиум за што?
🔹 Магнезиум цитрат – ако имаш проблеми со варењето и цревата. Брзо се апсорбира и е одличен за „движење“ на работите во стомакот. Помага и кај грчеви.
🔹 Магнезиум глицинат – ако си под стрес, не можеш да спиеш или се чувствуваш како нервен слом. Овој магнезиум ја смирува нервната напнатост, го релаксира телото и го подобрува сонот.
🔹 Магнезиум оксид – класика против запек. Се апсорбира послабо, но затоа има директно дејство во цревата. Делува како благ лаксатив.
🔹 Магнезиум тауринат – идеален ако сакаш да го зајакнеш срцето и да го намалиш крвниот притисок. Го намалува стресот и анксиозноста.
🔹 Магнезиум хлорид – ако имаш болки во мускулите, воспаленија или грчеви, користи го преку кожата – во купка или како лосион. Телото лесно го впива.
Следниот пат кога ќе купуваш магнезиум – размисли за што ти треба. За варење? За спиење? За смирување? За срце? Затоа што, како што гледаш – не е секој магнезиум ист.
И прашај го фармацевтот – ќе ти објасни со задоволство.
