Декември 2025 година започнува со многу ладно утро и со појава на слана и мраз во поголем дел од Македонија. Температурите ќе се спуштаат под нулата, особено поради разведрувањето кое се очекува. Претежно ќе биде тивко, па по колтините и речните долини ќе се создаваат услови за магла и ниска облачност.

И во Скопје и околината наутро на 1 декември ќе има температури под нулата, а локално ќе се создаде магла и ниска облачност.

Првиот ден од декември ќе донесе стабилно и суво време, со сончево време и умерена облачност. Ветерот ќе биде слаб, а особено во претпладневните и ноќните часови по котлините ќе има појава на магла и ниска облачност.

Дневните температури ќе се движат од 7 до 13 степени, а во Скопје и околината до околу 10 степени.

Инаку, понеделник, 1 декември, ја означува почетокот на климатолошката зима.