ММФ предупредува дека падот на глобалната трговија и новите американски царини би можеле да претставуваат сериозна закана за извозно ориентираните економии на Централна Европа. Оваа проценка следи по оценките на Европската банка за обнова и развој (ЕБРД) и агенцијата S&P Global.
Централноевропските земји се меѓу најзависните од надворешната трговија во ЕУ, со извозен удел во БДП кој се движи од 92 проценти во Словачка до 69 проценти во Чешка, според податоците на Евростат за 2023 година. Само Романија е под просекот на ЕУ, со извоз од 39 проценти на БДП.
Полска, најголемата економија во Централна Европа, е помалку изложена на слабостите бидејќи не се потпира толку многу на извозот на автомобили, има голем домашен пазар и добива милијарди евра од фондовите на ЕУ.
Надворешната трговија се претвора во извор на ризик за економиите во Централна и Источна Европа, со напомена од S&P Global дека американските царини би можеле да влијаат индиректно, преку германскиот автомобилски сектор. Испораките на машини и транспортна опрема во Германија претставуваат повеќе од десетина проценти од вкупниот извоз на Чешка, Унгарија, Словачка, Словенија и Романија, наведуваат во S&P Global.
Централноевропските земји треба да се фокусираат на процесите што можат да ги контролираат и да спроведат реформи за да ја подобрат продуктивноста и го зголемат животниот стандард, додека истовремено се стремат да ги елиминираат „значителните“ трговски пречки во рамките на ЕУ.
Истражувањето на ММФ од ноември 2024 покажа дека главни пречки вклучуваат лоша гранична инфраструктура и „разнолики“ прописи во ЕУ, вклучувајќи и јавни набавки.
„Континуираните напори за продлабочување на единствениот пазар ќе поддржат силен раст со отстранување на ограничувањата поврзани со големината на пазарот“, заклучи ММФ во извештајот.
Најавеното зголемување на американските царини на челик и алуминиум претставува најголема закана за Бугарија, Словенија и Романија.
Општо, на зголемување на американските царини најранливи се Јордан, Словачка, Унгарија и Литванија, поради, како што наведуваат, „општата трговска изложеност на пазарот на САД“.
Послабата надворешна побарувачка во Централна Европа и на Балтикот, како и во југоисточните земји на ЕУ како Грција, Романија и Бугарија, ќе значи и побавен раст на целиот регион во кој ЕБРД работи, прогнозираа неодамнешните прогнози на ЕБРД.
