Италијанскиот гигант Јувентус покажал силен и конкретен интерес за едно од највозбудливите фудбалски таленти што се појавиле на Балканот во последната декада – Меланија Грозданова. Веста ја објави реномираниот европски новинар Руди Галети, што веднаш предизвика огромно внимание во фудбалските кругови.
Само 16 години, а веќе стандардна стартерка во сениорската репрезентација на Македонија. Иако делува неверојатно за играчка на нејзина возраст, Меланија веќе ги игра најтешките минути на највисоко репрезентативно ниво. На последните два меча против силната Русија, настапи како стартер во двете средби, покажувајќи не само храброст, туку и зрелина и мирнотија кои ретко се гледаат кај тинејџерка. Во очите на селекторите и соиграчите, таа веќе е играч од кој тимот очекува разлика
🚨🔥 EXCL | Juventus have shown a strong and concrete interest in 16yo North Macedonian talent Melanija Grozdanova. 🇲🇰
— Rudy Galetti (@RudyGaletti) December 7, 2025
The winger is already a senior international and has impressed with Ljuboten after last season’s breakthrough at Istatov.
🔗 More ▶️ https://t.co/6MRaPS6iiZ pic.twitter.com/2ORREbr8rI
Оваа сезона блеска во дресот на Љуботен, каде што постигна осум голови, покажувајќи неверојатна напаѓачка моќ и зрела игра која ретко се гледа кај толку млад фудбалер. Минатата сезона, во дресот на Истатов, постигна 12 погодоци – уште тогаш беше јасно дека станува збор за играчка со посебна дарба.
Грозданова е крило со експлозивен прв чекор, самоуверена уметност во еден-на-еден ситуации и физичка подготвеност која многумина веќе ја споредуваат со легендарниот Кристијано Роналдо – од стилот на игра до препознатливата прослава на голови.
Но бројките и талентот се само дел од приказната. Меланија оваа есен ја предводеше македонската U19 репрезентација до влез во А-дивизијата на завршните квалификации за Европското првенство, подвиг што ретко кој го очекуваше. Токму затоа многумина ја сметаат за најголемиот фудбалски талент што Македонија некогаш го имала.
Висока, технички извонредна, интелигентна на терен и со менталитет на вистински професионалец, Грозданова веќе поседува профил на играч кој се гради за највисоко европско ниво. Затоа и не чуди што Јувентус ја следи внимателно, верувајќи дека би можела да стане значајно име во нивниот долгорочен проект и потенцијална иднина на клубот.
