Автомобилите не се единствените што стануваат „паметни“ – истото важи и за гумите. На претстојниот Саем за потрошувачка електроника (CES) 2026 во Лас Вегас, Michelin ќе ја претстави револуционерната линија на гуми кои, благодарение на вештачката интелигенција, можат да го следат своето трошење и да даваат информации за состојбата во реално време.
Новата технологија е развиена во соработка со компанијата Sonatus и ќе биде демонстрирана на реставриран Ford Bronco од 1970 година.
Системот SmartLoad и SmartWear ги анализира сигналите од возилото – интензитет на кочење, оптоварување, сили во свиоци и други динамички услови – за да обезбеди точен увид во состојбата на гумите. Сите податоци се чуваат во самото возило, без да се пренесуваат во облак, што го зголемува нивото на безбедност и приватност.
Michelin проценува дека оваа технологија до 2030 година би можела да донесе глобални заштеди од 1,68 милијарди долари. На CES, посетителите преку апликацијата MyTires ќе можат во реално време да ги следат сите информации за гумите на класичниот Bronco.
Пирели претходно ја претстави својата технологија Cyber Tire, која собира повеќе податоци од традиционалните системи, но тоа предизвика загриженост за националната безбедност во САД.
