Германскиот канцелар Фридрих Мерц изјави денес дека Русија ќе ја прекине војната во Украина само ако повеќе не може да продолжи со војување поради економски и воени причини.
Како одговор на дипломатските напори во последните недели, режимот во Москва усвои уште поагресивен пристап кон украинското население. Тоа нема да престане сè додека не осигураме дека Русија од економски, можеби и од воени причини, нема да може да продолжи со војна, рече Мерц.
Началникот на Генералштабот на руската армија, Валери Герасимов, денес изјави дека неговите сили се во постојана офанзива на речиси целиот фронт во Украина и дека имаат “стратегиска иницијатива”, јавува Ројтерс.
