Градот Мелбурн во Австралија е прогласен за најдобар град во светот за 2026 година во годишното рангирање на „Best Cities“ на магазинот Time Out. Ова е првпат во историјата на списокот – кој опфаќа 50 најдобрите градови – некој австралиски град да заземе прво место.
Рангирањето се базира на анализа на повеќе од 24 000 жители ширум светот и процена од страна на повеќе од 100 светски експерти, кои ги оцениле градовите според 44 различни критериуми, вклучувајќи култура, храна, ноќен живот, зелени површини, пристап до јавен превоз, цена на живот и среќа на жителите.
Мелбурн ја освои титулата благодарение на силното чувство на заедништво, разновидната гастрономска сцена, богатиот културен живот и пристапот до природа – што се резултатите кои 94% од локалните жители ги оценија позитивно.
Во одредени категории, градот дури се рангира меѓу најдобрите за младите (Gen Z), што го потенцира неговиот атрактивен начин на живот и современи урбани можности.
Покрај Мелбурн, други градови кои се најдоа меѓу првите десет на листата за 2026 година се Шангај, Единбург, Лондон и Њујорк – што ја потврдува глобалната привлечност на топ дестинациите според современите урбани критериуми.
