Меѓународната агенција за енергија (IEA) денес соопшти дека нафтата од стратешките резерви ќе се пушти веднаш во Азија и Океанија, додека за Америка и Европа ова ќе започне од крајот на март.
Оваа одлука е дел од напорите на земјите членки да го ублажат наглиот раст на цените на нафтата предизвикан од конфликтот на Блискиот исток.
Вкупно ќе се ослободат околу 400 милиони барели нафта.Ова е шесто ослободување на стратешките резерви во историјата на IEA и најголемo досега. Иницијативата има за цел да обезбеди стабилност на глобалните пазари и да ја намали цената на горивата.
IEA е основана пред повеќе од 50 години како меѓународна институција за енергетска сигурност, а оваа акција се смета за историска поради обемот и времето на пуштање на резервите.
