Израел мора да дозволи доволно хуманитарна помош во Појасот Газа и да соработува со Агенција за помош на ОН, пресуди денеска Меѓународниот суд на правдата (МСП).
Пресудата од највисокиот суд на ОН во Хаг, која не е обврзувачка, наведува дека Израел, како окупаторска сила, е должен да се грижи за населението во Газа, пренесува ДПА.
Израел мора да соработува и со Агенцијата на ОН за помош и работа за палестинските бегалци на Блискиот Исток -УНРВА (UNRWA), соопшти судот.
Израел уште од јануари ѝ забрани на УНРВА да работи во Појасот Газа, потсетува ДПА.
Од март до мај, Израел во суштина престана да дозволува помош во Појасот Газа.
Откако кревкото примирје стапи на сила на 10 октомври, Израел продолжи да дозволува транспорт на помош во блокираната крајбрежна област.Меѓутоа, за Обединетите нации ова е далеку од доволно за да се поддржи населението кое страда, потсетува ДПА.
