Војвотката од Сасекс, Меган Маркл, неодамна ја најави својата нова серија „With Love“ на Нетфликс, а ваквата вест не ги воодушеви, обожавателите на кралското семејство. Веста за серијата Меган ја објави на социјалната мрежа Инстаграм, на која неодамна се врати.
„Многу сум возбудена што можам да го споделам ова со вас! Се надевам дека ќе уживате во шоуто затоа што навистина уживав додека го правев. Ви посакуваме на сите фантастична Нова година! И благодарам на наневеројатната екипа и тимот на Нетфликс! Благодарна сум за вашата поддршка“, напиша таа.
Во сријата Меган ќе ги покаже своите кулинарски вештини, ќе ужива во градинарството и ќе се дружи со своите пријатели. Во серијата насловена како „Со љубов“ Меган ќе се дружи сво своите следачи, во кујната, градината, дури и во пчеларникот. Додека таа се подготвува да биде домаќин на стари и на нови пријатели, споделува некои од нејзините омилени совети и трикови за готвење, градинарство, изработка. Меган открива како и најмалите детали можат да донесат убавина во нашите животи и што е најважно, да помогнат во зближување на луѓето, без разлика дали се работи за подготовка на подарок за гостите или додавање на цвеќиња во појадокот, помислата е таа што навистина е важна“, опишува таа за Нетфликс.
Сепак, таа не добива позитивни реакции.
„Ова изгледа страшно“, пишуваат следачите. Тие уште ја нарекоа Меган „разгалена“ бидејќи готвењето на нејзините јадења „ во моментов никој не може да си ги дозволи“.
Трејлерот за серијата покажува дека Меган готви во својата кујна, бере производи од нејзината градина и разговара со нејзините познати пријатели. Маркл ги исклучи коментарите на објавата, па дискусијата за шоуто започна на X. „Не благодарам“, „Изгледа страшно“, „Ќе го прескокнам“, „Попрво ќе гледам како се суши бојата“, ѝ напишале други. Некои се огласија дека Меган е „привилегирана“ затоа што прави храна што „никој не може да си ја дозволи“. „Која е целната публика? Жени со многу пари и време?“, беше еден од коментарите.
Маркл на своите обожаватели им вети искуство бидејќи ќе можат да ја гледаат во нејзиниот дом, но, како што открива Дејли Мејл, таа не ја снимала серијата во нејзиниот дом. За снимањето, Меган избрала луксузна вила лоцирана во близина на нејзиниот дом во која живее со нејзиниот сопруг, принцот Хари и нивните деца. Таа го сними шоуто во вила вредна 5 милиони долари, чии сопственик е влијателната фамилија Ципола. Нивниот дом има четири спални соби, четири бањи, голема тераса, двор и поглед кон планините.
Токму во него Маркл ќе ги покаже своите способности во нивната пространа, луксузна кујна. Тие ќе ги угостат своите пријатели во другите простории од куќата, како и во дворот.
Нејзиното шоу за готвење не е само дел од нејзината лична реинвенција, туку и клучна компонента на нејзиниот договор со Нетфликс вреден 100 милиони долари. Сепак, реалноста се покажа како многу попредизвикувачки отколку што очекуваше Меган. Низа погрешни чекори фрлаат сенка врз нејзините напори, а многумина се прашуваат дали нејзиниот бренд може да закрепне.
Досега е откажана серијата на Меган „Pearl“, која требаше да излезе на Нетфликс, откажан е и нејзиниот подкаст „Archetypes“ на Spotify, а не е реализиран проектот на нејзиниот животен бренд American Riviera Orchard. Нејзиниот бренд се фокусира на домот, градината, храната и општите производи за начин на живот, но наиде на голем број проблеми. Меѓу нив имаше проблеми со заштитата на имињата, како и проблеми со персоналот.
Во март 2023 година, Маркл поднела барање за заштита на името American Riviera Orchard, но била одбиена.
