,,Жените се одлучуваат за абортус од повеќе причини. Важно е кога една жена ќе ја донесе одлуката, таа да има можност да ја добие здравствената услуга во безбедна средина и да ја има поддршката на стручните лица”, e пораката од обуката која ја спроведе ХЕРА во текот на изминатава недела на повеќе од 60 студенти од Високата медицинска школа при универзитетот „Св. Климент Охридски“ – Битола.
Студентите имаа можност да научат повеќе за медикаментозниот абортус и да дискутираат со докторите од Универзитетската клиника за гинекологија во Скопје.
Медикаментозниот абортус е достапен на Универзитетската клиника за гинекологија и акушерство во Скопје.
Може да се направи до 22 недела од бременоста и е алтернативна метода за прекин на бременоста, покрај веќе постојниот хируршки абортус.
