Ловечкото здружение „Стогово“ од Дебар во западниот дел на Македонија издаде предупредување за зголемена појава на диви животни во урбаните и руралните области, вклучувајќи медведи, диви свињи и волкови.
Ова особено се забележува во есенските месеци, кога дивите животни, особено медведите, бараат повеќе храна за подготовка за зимата. Пред неколку дена, жителите на Дебар се соочиле со појава на возрасен медвед на главниот булевар. На среќа, немало повредени, но здружението предупредува дека ваквите ситуации претставуваат сериозен ризик за безбедноста на граѓаните.
Ловците советуваат:
Не трчaјте – мечката е многу побрза од човекот. Не ја провоцирајте и не и приоѓајте за фотографии или видеа. Никогаш не ја хранете – ќе се врати повторно. Останете смирени и полека повлечете се ако се сретнете со неа. Не правете нагли движења и не гледајте ја директно во очите. Ако мечката е на поголема дистанца, направете звук (плескање со раце, зборување во нормален тон) за да се повлече.
Во случај на опасност, веднаш контактирајте ја полицијата, шумската служба или општината.
Повеќето појави на диви животни во градските и руралните области се јавуваат токму во есен, а Дебар е еден од региони каде ова претставува сериозен проблем.
