Конкурсот е насловен „Се што велиме е дадете шанса на помирувањето!“, а се организира од „Рашка школа цртања“, во партнерство со Creative City Center – The Multifunctional Social Cultural Center од Албанија и соработници од Македонија и Србија.
Повикот е врз основ на грант од страна на Младински фонд за култура на Западен Балкан (WBYCF).
На конкурсот може да учествуваат сите ученици од Македонија, Србија и Албанија од основно и средно образование со стрипови на тема помирување. Како што објаснуваат организаторите, тука влегува излегување од заробеноста во минатото, конструктивно справување со минатото и спротивставување на говорот на омраза, барање на она што ги спојува, а не она што ги разликува балканските народи, почитување на жртвите без оглед на етничката припадност, зачувување на сеќавањата на настраданите и тн.
Стриповите треба да бидат до 2 табли и најмалку 5 сликички на А4 формат, минимум 300dpi доколку се испраќаат електронски.
Секој ученик може да учествува само со еден стрип, а искучок од ова правило има за сценаристите каде се дозволува да едно лице направи сценарио за повеќе стрипови. На еден стрип можат да работат повеке автори, а организаторите истакнуваат дека е важно на почетокот на стрипот да биде наведен насловот, а авторите задолжително да бидат наведени под насловот или на крајот на стрипот.
Покрај стриповите авторите треба да испратат и лична биографија, како и маил и година кога е нацртан стрипот.
Стриповите може да бидат на службените јазици на земјите учеснички, како и на англиски. Пристигнатите стрипови ќе бидат разгледани од посебна интернационална комисија којашто ќе направи избор и ќе ги предложи награди за најдобар стрип во целина, најдобар цртеж, најдобро сценарио или порака и најмасовно училиште.
Најдобрите стрипови ќе бидат изложени на посебна изложба во јули во Рашка, Србија како и посебен каталог.
Сите учесници, училишта како и нивните ментори ќе бида споменати во каталогот. Сите наградени ќе добијат дипломи, а сите учесници ќе добијат сертификати за учество.
Стриповите треба да се испраќаат на емаил raskaskolacrtanja@gmail.com, со назнака ЗА СТРИП КОНКУРС – ПОМИРУВАЊЕ до 31 мај.
