Исто како и гушкањето, мазењето го зголемува производството на окситоцин во телото, љубовниот хормон. Неговото лачење се зголемува и за време на оргазам, а многу придонесува за подигнување на расположението и зајакнување на односот меѓу партнерите.
„Интимноста после секс е исто толку важна за задоволството на жената како и предиграта. Повеќето жени се чувствуваат ранливи после секс, а неколкуминутното интимно галење кај жените буди чувство на сигурност. Тоа е една од најдобрите и најлесните работи што можете да ги направите за да ја подобрите вашата врска. Тоа е многу важна, но често пропуштена можност за поврзување на партнерите“ – објасни д-р Робин Милхаузен, професор по сексуалност на Универзитетот во Гелф, додаде уште некои придобивки од гушкањето после секс.
Го намалува нивото на стрес: Стресот стана една од најлошите болести на модерното време, која носи безброј проблеми. Треба да го препознаеме хроничниот стрес и да реагираме навреме за да го спасиме нашето здравје. Според експертите, гушкањето е најдобриот, најлесниот и потполно бесплатен начин да се најде внатрешен мир. Истражувањето објавено во списанието Biological Sciences тврди дека ослободувањето на окситоцин во телото може да го намали нивото на хормонот на стрес, кортизол. Друга студија објавена во Журналот на Здружението за психолошка наука покажа дека окситоцинот може да помогне во ублажување на симптомите на анксиозност.
Го подобрува имунолошкиот систем: Покрај окситоцинот, гушкањето го поттикнува телото да стимулира серотонин и допамин. Откако ќе се случи ова, сите три хормони работат заедно за да го заштитат телото од штетни инфекции, а со тоа го зајакнуваат вашиот имунолошки систем. Окситоцинот им помага на клетките на телото, одговорни за регулирање на имунолошкиот систем, да функционираат добро.
Го намалува ризикот од кардиоваскуларни болести: Редовното гушкање после секс може да помогне да се контролира нивото на крвниот притисок. Во една студија спроведена на 59 жени, нивниот крвен притисок бил измерен пред и по гушкањето со партнерот. Експериментот откри не само значително намалување на крвниот притисок, туку и високо ниво на окситоцин во телото.
Ја зајакнува емотивната врска меѓу партнерите: Ако сакате да го задржите здравјето и радоста во вашата врска, треба повеќе да се гушкате. По сексот, жените се особено ранливи, а мажите се чувствуваат поспани.
Многу истражувања покажаа дека и мажите имаат корист од гушкањето. Имено, гушкањето го прави партнерот да се чувствува посреќен во врската, па големи се шансите во блиска иднина да посакаат повеќе секс, што поради тоа ќе го зголеми и нивното задоволство.
