Илјадници демонстранти излегоа в;era вечер на улиците на Тел Авив, барајќи крај на војната во Газа и ослободување на заложниците.
Израелската влада се соочува со остри критики и во земјата и од странство, вклучувајќи некои од нејзините најблиски европски сојузници, поради најавата дека армијата ќе ја прошири војната.
Израелскиот безбедносен кабинет се согласи да започне нова воена офанзива со цел целосна контрола врз градот Газа. Целите, според израелската влада, вклучуваат разоружување на Хамас, враќање на заложниците, демилитаризација на Појасот Газа и „израелска безбедносна контрола во Појасот Газа“.
Јавна поддршка за ослободување на заложниците
Истражувањата на јавното мислење покажуваат дека огромното мнозинство Израелци го поддржуваат завршувањето на војната со цел ослободување на преостанатите 50 заложници кои ги држат милитантите во Газа. Израелските власти веруваат дека околу 20 заложници сè уште се живи.
Поголемиот дел од досега ослободените заложници беа вратени преку дипломатски преговори. Преговорите за прекин на огнот, кои можеа да доведат до ослободување на повеќе заложници, пропаднаа во јули.
Во Тел Авив се чести собири на кои се бара од владата да постигне прекин на огнот и договор со Хамас за заложниците.
На саботниот протест, според организаторите, присуствувале над 100.000 луѓе.
