Во ексклузивното интервју, Мартина открива дел од својата космичка имагинација – ако може да поведе лик од поп-културата во вселената, тоа без двоумење би бил Дејвид Боуви, затоа што, како што вели, „по едно патување во вселената, сигурна сум дека би создал уште подобри песни.“
Ако ѝ се даде можност да крсти ѕвезда, би го носела името „Мартинка“ – симбол на нејзината автентичност и љубов кон вселената.
А ако само една песна може да се слуша додека патуваме низ космосот, нејзиниот избор е јасен: „Get Lucky“ од Daft Punk – оптимистична химна за среќата и упорноста.
Како симбол на македонскиот дух на вселенски брод, Мартина би вгравирала елементи од Кокино, охридски бисер или нешто што го отсликува нашиот богат културен идентитет.
Но, нејзината приказна не е само за науката – таа е приказна за храброста да бидеш различен. „Многу често, ако сакаш да бидеш поинаков, не си прифатен во нашето општество,“ вели Мартина, но нејзиниот успех докажува дека нема граници за оние што се осмелуваат да сонуваат големо.
Од првата Македонка со NASA Space Act Agreement до глобален застапник за жени во STEM, Мартина Димоска е инспирација за сите што веруваат дека иднината припаѓа на храбрите.
