„Маршот за женски права“, за економска, политичка и општествена борба за рамноправност на жените, ќе се одржи под слоганот „Нека јадат ружи!”. Настанот по повод Меѓународниот ден на жената 8.Март ќе стартува во 13 часот од пред Универзалната сала во Скопје.
„8. Март не е ден за симболични гестови и излитени фрази. Овој 8, Март не сакаме ружи. Што ќе ни се ружи кога немаме за леб? Живееме во нехуман и неодржлив систем базиран на системско силеџиство што ни ги окупира животите и ни ги ограничува одлуките и можностите. А во кризи, товарот несразмерно ја погодува жената. Токму затоа, велиме, не сакаме ружи, туку повикуваме на феминистичка борба за слобода, солидарност и автономија“, велат од Платформа за родова еднаквост.
Од таму потенцираат дека овој 8. Март, со почит кон досегашните победи на жената за родовата еднаквост, но свесни за секојдневните системски недостатоци кои го загрозуваат нашето постоење, женски марш и на солидарен женски бојкот.
„На 8. Март повикуваме на бојкот на големите маркети, ланци и трговските центри кои преку вештачки наметната инфлација не доведуваат до раб на егзистенција. А за да ја истакнеме вредноста на се што секојдневно правиме во домот, овој 8 март ги повикуваме жените на бојкот на домашните обврски. Сите заедно ќе му се спротивставиме на силеџиството на овој систем и ќе ги сопреме неговите запчаници, барем на еден ден“, повикуваат од Платформа за родова еднаквост.
Маршот ќе заврши во Паркот Жена Борец, со завршни обраќања до јавноста и институциите.
(Збирно место пред Универзална сала. Оттаму се продолжува по бул. „Партизански одреди” и бул. „Св. Климент Охридски” кон Влада на РСМ. Потоа, од бул. „Илинденска” се вклучуваме на бул. „Гоце Делчев” и се движиме по булеварот се до Скендербег, каде се врти десно и се продолжува по ул. „Филип Втори Македонски” до парк Жена Борец каде завршува рутата и следат говори и обраќања од учесниците).
