Трн: Секогаш насмеан, позитивен или што би се рекло човек кој е „300 на саат“, ваков ли си и дома?
Марко: Па не баш, дома сум мирен и зборувам по потреба да не речам дома жена ми зборува, а јас слушам. Е сега, се менува моментот кога некој ќе ни дојде на гости… тогаш уста не затварам
Трн: Марко дај побрзај или Марко дај забави?
Марко: Со годините полека одиме накај ова второто
Трн: Велат човек се менува по женидбата, што промени ти?
Марко: Буквално ништо. Жена ми ме прифати таков каков што сум па немав потреба ништо да сменам.
Трн: Кружи муабет дека си играл стриптиз и со пијачка си завел девојка, сега твоја сопруга. Што велиш?
Марко: Лажат… не ја честев пијачка, туку таа мене ме честеше .
Трн: Во едни списанија, на времето, имаше написи дека си бил порочен… Жолт печат или има вистина муабетот?
Марко: Не знам што да кажам на ова. Да бев порочен се уште ќе бев на некој порок, а дека си го живеев животот по мои стандарди… тука нема лага.
Трн: Кога сме кај познатите, како стана познат и од каде почнува кариерата?
Марко: Од случајна средба на плажа со вистинските луѓе. Ми дадоа шанса со тогаш познатата емисија „Дај побрзај”и оттогаш еве ме.
Трн: Кој е најсмешниот трач што си го слушнал досега за себе?
Марко: Искрено никогаш не сум се замарал со тоа што зборуваат луѓето но ако треба да издвојам тоа е моментот кога се сретнав со еден познаник и збунето ми рече: „Чекај ти не си во манастир, нели се замонаши”? Збунето го погледнав и го прашав „зарем ти личам на монах”.
Трн: Што си работел досега за пари, а што никогаш не би работел?
Марко: Сум работел многу работи од продавање сладолед, келнер, на шалтер во менувачница и др. Но никогаш не би работел машка проститутка или жиголо.
Трн: Ти пречи ли некогаш тоа да те знаат сите, особено кога брзаш или чекаш ред во аптека, маркет, пазар…
Марко: Не никогаш. Јас сум од тие луѓе на кои не им пречи што ги препознаваат и кои сакаат да си прават муабет со сите.
Трн: Си завршил ли работа низ град само поради фактот што си ти?
Марко: Ќе излажам ако кажам не 🙂
Трн: Ако имаше супер моќ што би направил?
Марко: Би се потрудил сите да живееме поубаво.
