Лидерката на венецуелската опозиција и добитничка на Нобеловата награда за мир, Марија Корина Мачадо, изјави дека е дојдено време за ослободување на сите политички затвореници во Венецуела, за обновување на вистината и воспоставување правда наместо неказнивост.
Во својата порака, Мачадо истакна дека мора да престане практиката на повторни апсења, прогон и заплашување на политичките неистомисленици, нагласувајќи дека демократската транзиција е неопходна за стабилноста и иднината на земјата.
Политичкото движење Vente Venezuela соопшти дека процесот на транзиција кон демократија не е само израз на народната волја, туку и „непоколеблив и неповратен процес“. Според соопштението, оние што сè уште нелегитимно ги контролираат државните институции се принудени да признаат дека суверенитетот ѝ припаѓа на јавноста.
„Целта на актуелниот политички процес е враќање на суверенитетот кај граѓаните и обновување на институционалниот поредок во согласност со уставот и меѓународните обврски на Венецуела“, се наведува во соопштението на движењето, кое Мачадо го сподели на социјалната мрежа Икс.
