Маратонецот Дарио Ивановски утре ќе ја претставува Македонија на Олимписките игри трчајќи го маратонот на 42 километри. Трката е предвидено да започне во 8 часот.
Ивановски во Париз ќе се обиде да го подобри неговото најдобро време од 2:08:26, остварено оваа сезона, што е и национален рекорд во маратон.
Овој рекорд тој го постави во Севиља во Шпанија во февруари оваа година.
Олимпискиот рекорд во маратон го држи Самуел Камау Ванџиру од Кенија и изнесува 2:06:32 поставен на игрите во Пекинг, додека светскиот рекорд го држи друг Кениец, Келвин Киптум и изнесува 2:00:35 поставен во октомври минатата година во Чикаго.
Маратонот во Париз превидува качување од 436 метри и потоа 438 метри спуштање, што ја прави оваа патека особено тешка за маратонците.