Во соопштение објавено на социјалните медиуми, групата истакна дека нападот е одмазда за „христијанските провокации во Дамаск“. Групата се закани со нови напади, вклучително и самоубиствени. Таа група претходно им се закануваше на христијани, алавити, друзи и шиити.
Таа ја презеде одговорноста за нападот врз селото Арзех во покраината Хами во февруари и им се закани на луѓе поврзани со Сириската опсерваторија за човекови права од Велика Британија. Бомбардирањето беше извршено за време на неделната миса.
Христијаните порано сочинуваа речиси 10 проценти од населението на Сирија, но нивниот број значително се намали поради годините војна и прогон. Многумина остануваат во големи градови како што се Дамаск и Алепо, каде што живеат во мешани заедници.
Сириското Министерство за внатрешни работи вчера објави дека во заедничка операција со тајната служба, разбило ќелија поврзана со ИСИС одговорна за организирање на нападот.
Шестмина осомничени се уапсени, а двајца се убиени. Властите запленија експлозиви, мини и муниција. Министерството нагласи дека истрагата продолжува и дека сите виновници ќе бидат казнети.
