Познатата слика „Мона Лиза“ (Џоконда) на Леонардо да Винчи ќе биде преместена во нова, посебна просторија во Лувр, која ќе биде достапна независно од остатокот на парискиот музеј, изјави францускиот претседател Емануел Макрон.
Макрон, го изјави ова пред ремек-делото на италијанскиот сликар во музејот и побара од министерката за култура, Рашида Дати, да „подготви план за повисоки цени за странските посетители од европските земји кои не се членки на Европската унија (ЕУ)“.
Францускиот претседател додаде дека тие повисоки цени треба да бидат воведени од 1 јануари 2026 година.
Според неговите зборови, реновираниот Лувр ќе има цел да прими околу „12 милиони посетители годишно“ во споредба со околу девет милиони во текот на 2024 година.
Макрон исто така најави отворање на нов влез за Лувр за да се намали гужвата во стаклената пирамида, а изградбата на новиот влез ќе ја финансира целосно самиот музеј со сопствени средства. Францускиот претседател го нарече овој проект „Нова ренесанса на Лувр“ и додаде дека ќе биде распишан конкурс за архитекти и дека новиот влез ќе биде отворен „најдоцна до 2031 година“.
Во неодамнешното писмо испратено до министерката за култура, претседателката и директорка на Лувр, Лоранс де Кар, го споменаа се поголемиот број на различни дефекти во просториите на музејот, застарената техничка опрема како и загрижувачките температурни промени кои го загрозуваат состојбата на конзервација на уметничките дела.
Директорката на Лувр во писмото ја спомена и стаклената пирамида, изградена 1988. година, која е застарена и дизајнирана да прими четири милиони посетители годишно, но минатата година прими речиси девет милиони луѓе, а пред пандемијата на коронавирус до 10 милиони луѓе.
Други жалби вклучуваат недостаток на простор за угостителство, како и тоалети кои не ги исполнуваат меѓународните стандарди.
