Претседателот Емануел Макрон изјави во вторникот дека Франција ќе го забрани пристапот до социјалните мрежи за деца под 15 години во рок од „неколку месеци“, доколку тоа не се регулира на европско ниво.
„Мораме да го забраниме користењето на социјалните мрежи за оние под 15 години“, изјави Макрон за јавната телевизија France 2, откако член на училишен персонал беше прободен со нож од страна на 14-годишен ученик на влезот во средно училиште во Ножан.
„Си даваме неколку месеци да поттикнеме европска мобилизација. Во спротивно… ќе почнеме да го правиме тоа во Франција. Не можеме да чекаме“, рече тој.
Според официјални лица, ученикот смртно го прободел вработениот при рутинска проверка на ранци во средното училиште во источна Франција.
Тинејџерот бил уапсен на местото на настанот.
Полициски службеник кој асистирал при проверката добил полесни повреди при апсењето на осомничениот, кој користел ист нож во двата напади, според Националната жандармерија.
Сè уште не е јасно дали нападот е поврзан со нешто што ученикот го видел на социјалните мрежи, ниту зошто локалните медиуми ја направиле таа поврзаност.
