Видеото, кое стана вирално на социјалните мрежи, го прикажува Макрон заглавен на патот неколку минути откако го напушти седиштето на ОН во понеделник.
„Навистина ми е жал, господине претседателе, сè е блокирано“, се слуша како полицаецот му се обраќа на Макрон.
Потоа на видеото се гледа како францускиот лидер му се јавува и разговара со својот американски колега по телефон.
„Погодете што, чекам на улицата токму сега затоа што сè е блокирано поради вас“, се чини дека му вели на Трамп.
По неколку минути чекање, францускиот претседател Макрон тргна да оди пешки по улицата со своите телохранители.
Видео со Макрон, кој е во Њујорк за 80-тата сесија на Генералното собрание на ОН, стана вирално на социјалните мрежи.
Неколку корисници на социјалните мрежи се огласија со свои коментари.
„Макрон откри кој ги води работите во Америка, дури и надвор од должност“.
„Францускиот претседател заглави на тротоарот додека поворката на Трамп се движи како кралска парада“,
„Ова не е „незгоден момент“. Ова е кршење на протоколот и сериозна навреда“.
Ова беа само дел од коментарите на социјалните мрежи.
